Esperamos que disfrutedes con todos os traballos e propostas do curso.

domingo, 12 de novembro de 2017

Cantigas medievais

Aquí podedes acceder a unha selección de recursos dixitais para coñecer mellor a lírica galaico-portuguesa, primeira manifestación literaria da lingua galega.

(Premede en cada un dos fragmentos da imaxe)

sábado, 11 de novembro de 2017

domingo, 5 de novembro de 2017

O Vales fala. Outono

Escoitade estes poemas e estas cantigas sobre o outono:

 

As uvas. Pura Vázquez
(3º C)

Tanto te escondiche, sol... A. Noriega Varela (3º C)

Castañas do teu magosto. 2º A
2º D

O Vales fala. A vendima

Os nenos e as nenas de primeiro explícannos como fixeron a súa particular vendima:


domingo, 22 de outubro de 2017

O Vales fala. Idade Media en infantil

As nenas e os nenos de sexto de infantil ofrécennos un adianto do que van estudar ao longo do curso:


mércores, 18 de outubro de 2017

domingo, 15 de outubro de 2017

O Vales fala. Comeza un novo curso

Nenas e nenos do colexio saúdan o novo curso:

Quinto C

Terceiro C

Quinto D  
         A nosa cantiga de benvida
            Comezamos novo curso,
            ola a todos no Vales.
            Benvidos a este gran cole
            onde imos aprender.
            Os nenos e as nenas de 5º D
            queremos para todos
            bo curso e pasalo ben.
            bo curso e pasalo ben.
            Os nenos e as nenas de 5º D
                    BO CURSO!!


Quinto E
Cuarto A

xoves, 5 de outubro de 2017

Premio Nacional de Literatura Infantil

Antonio García Teijeiro foi galardonado co Premio Nacional de Literatura Infantil y Juvenil polo seu libro Poemar o mar, ilustrado por Xan López Domínguez e publicado por Xerais en 2016. 
Entre os libros escritos por García Teijeiro podemos atopar Lueiro de papel, Ventos, Na fogueira dos versos, A fala das pombas que falan, Caderno de fume, Recendos de aire sonoro...

O Premio Nacional de Literatura Infantil concédeo cada ano o Ministerio de Educación, Cultura e Deporte para distinguir unha obra de autor español, escrita en calquera das linguas oficiais do Estado e editada en España no ano anterior.

García Teijeiro súmase á nómina de autoras e autores galegos que foron recoñecidos co galardón: Paco Martín, Xabier P. Docampo, Fina Casalderrey, Agustín Fernández Paz e Ledicia Costas.

Cóntame un conto,
que quero que cale o vento
e quero pechar os ollos.

Cóntame un conto
que teña cen mil colores
para pintar os teus soños.

Cóntame un conto
que me salfira de escuma
do mar de tantos agoiros.

Cóntame un conto,
que quero borrar pegadas
de camiños sen retorno.

Cóntame un conto
ou dous ou tres ou corenta
e poida escoitalos todos.

Poema que forma parte do libro Contos e poemas para un mes calquera, escrito polo autor xunto con Jordi Sierra i Fabra


xoves, 29 de xuño de 2017

O Vales fala. Monicreques

O alumnado de 2º C ofrécenos esta obra de teatro, representada con monicreques e titulada: Bob e Gato mortos de fame.



O Vales fala. Marmelada de cabaza

O alumnado de 2º E explícanos como se elabora a marmelada de cabaza.



martes, 30 de maio de 2017

Contos pola igualdade

Alumnado de secundaria e bacharelato dos IES Francisco Aguiar e As Mariñas acudiron ao centro para compartir con nós unha serie de contos. A temática que elixiron, na maioría dos casos, está relacionada coa igualdade de xénero. Os contos gustáronnos moito, agora temos que pensar sobre eles...


mércores, 17 de maio de 2017

Mil palabras polo galego

Cada un de nós elixiu unha palabra galega á que lle temos un especial aprezo. Xuntámolas todas para pedir miles de anos máis para o galego.
O concello colaborou con nós, a través do seu Servizo de Normalización, e as nosas plabaras colgan do edificio Arquivo cunha mensaxe para todas e todos:

 

O Vales fala. Creamos contos

Dende 2º C chéganos este conto creado polo grupo:


venres, 5 de maio de 2017

Letras Galegas 2017. Carlos Casares

Achéganse as datas de conmemoración das nosas letras.
Este ano o Día das Letras Galegas está adicado a Carlos Casares.
Na marxe esquerda deste blogue podedes atopar diferentes páxinas que dan a coñecer ao autor e nos ofrecen recursos para traballar nas aulas.
Os enlaces seguintes mostránnos a súa obra infantil e xuvenil:











(Premede en cada imaxe)

luns, 17 de abril de 2017

venres, 7 de abril de 2017

Creamos poemas

Este trimestre adicámonos á poesía, no mes de xaneiro fixemos unha pequena recollida de poesía popular, no mes de febreiro Rosalía foi o noso punto de atención e en marzo seguimos empapándonos en poesía para crear os nosos propios poemas.
Coa colaboración do Concello de Betanzos, a través do seu servizo de Normalización lingüística e a concellaría de comercio, estamos a por en marcha a campaña Betanzos. Poesía no comercio.
A proposta pretende darlle a máxima difusión ás creacións poéticas do noso alumnado. Uns trescentos poemas espallaranse por todo Betanzos grazas á colaboración de diversos comerciantes locais.
Hai poemas de todo tipo: longos, curtos, suxeitos á rima, libres, sentimentais, descritivos, humorísticos... Diversos coma diversa é a nosa comunidade.
Xogamos coas palabras, aprendemos e divertímonos.
O noso agradecemento a todos os participantes nesta actividade.

luns, 20 de marzo de 2017

O Vales fala. Perú. A pataca

Seguimos investigando sobre os diferentes países aos que Leo e Mariña queren viaxar, isto é o que averiguamos sobre as patacas, orixinarias de Perú.

Preme na imaxe para escoitalo

xoves, 16 de marzo de 2017

O Vales fala. Recomendamos libros

A historia de Erika
Ruth Vander Zee, Roberto Innocenti. Ed. Kalandraka


O Vales fala. Poesía

No mes de marzo, conmemórase o Día mundial da Poesía (o día 21), e o noso alumnado ofrécenos algunha mostra deste xénero literario:

domingo, 12 de marzo de 2017

O Vales fala. Mulleres

8 de marzo. Día internacional da MULLER:



Rosalíate

Un ano máis, sumámonos á proposta da Asociación de escritores en lingua galega para conmemorar o Día de Rosalía, neste caso, titulada #Rosaliate
Fixemos carautas e escollemos versos de Rosalía, este é o resultado:

mércores, 1 de marzo de 2017

Día de Rosalía. Homenaxe na aula de cultura

O Concello de Betanzos e a Asociación cultural Eira Vella organizaron un acto de homenaxe a Rosalía de Castro. O noso colexio participou xunto a outros centros da localidade e asociacións culturais coma o coro de Coirós ou a Asociación A Fuliada.
Aquí podedes ver as actuacións do noso alumnado:


sábado, 25 de febreiro de 2017

Rosalía de Castro. Bos amores

Nenas e nenos de 1º de EP ilustran o poema Bos amores, do libro Follas Novas.

Cal olido de rosas que sai de antre o ramaxen
nunha mañán de maio, hai amores soaves
que n'inda vir se sinte, nin se ve cando entraren
pola mimosa porta que o corazón lles abre
de seu, cal se abre no agosto
a frol ó orballo da tarde.

E sin romor nin queixa, nin choros, nin cantares,
brandos así e saudosos, cal alentar dos ánxeles,
en nós encarnan puros, corren coa nosa sangre
i os ermos reverdecen do esprito onde moraren.
Busca estes amores..., búscaos,
si tes que chos poida dare;
que éstes son sóio os que duran
nesta vida de pasaxen.


Presentámolas acompañadas da interpretación musical de Narf, a quen queremos render homenaxe:



luns, 20 de febreiro de 2017

O Vales fala. Rosalía de Castro

Nenas e nenos recitan poemas de Rosalía:

                                    Preme en cada imaxe para escoitalos

                    

luns, 13 de febreiro de 2017

Rosalía de Castro

O día 24 de febreiro conmemórase o Día de Rosalía, data que coincide coa do nacemento da autora no ano 1837.
Para que coñezades a súa vida e a súa obra a biblioteca ofrécenos estas dúas presentacións:




Tamén recopilaron varios materiais que elaboraron outros colexios e institucións para que continuedes adentrándovos na figura desta importante escritora.







Biblioteca do CEIP Pilar Maestú Sierra. A Pobra do Caramiñal

CEIP Alexandre Bóveda

Biblioteca Caracola Tola


Pasapalabras.genmagic.org


Biblioteca da Caracola Tola

CP Nuestra Señora de los Ángeles. El Esparragal. Murcia